БИШКЕК, 27-ноя. — Sputnik. Россиянын Санкт-Петербург шаарындагы "Перекресток" дүкөнүндө жарылуу болгонун РИА Новости агенттиги аймактын чукул кырдаал кызматындагы булагына таянуу менен билдирди.
Алдын ала маалымат боюнча жардыруудан 9 киши жаракат алган. Дүкөндөгү 50 киши коопсуз жайга чыгарылган. Кырсык болгон жерде атайын кызматтын өкүлдөрү иштеп жатат.
Өлкөнүн Өзгөчө кырдаалдар министрлигинин маалыматына ылайык, төрт киши медициналык жардам үчүн кайрылган.
Тергөө комитети кылмыш ишин козгоду.
