Бекешев: беш күндүк тартипке өтүүдө мугалимдердин маянасы кыскарбайт
Беш күндүк тартипке өтүү менен мугалимдердин маянасы кыскарбайт. Бул тууралуу Дастан Бекешев парламентте сүйлөп жатып билдирди.
Эскерте кетсек, аталган норманы камтыган мыйзам долбоору экинчи окууда каралып, добуш берүүгө жөнөтүлдү.
"2018-2019-окуу жылынан тарта республикадагы бардык мектептер беш күндүк тартипке өтөт. Буга чейин мектептердин 80 пайызы өткөн эле. Бул бардык өлкөлөрдөгү практика. Эмне үчүн депутаттар беш күн, мугалимдер алты күн иштеши керек?" — деди Бекешев.
Ал беш күндүк тартипке өтүү менен окуучулар дагы жакшы окуп калат деген пикирин кошумчалады.
