Сабырбеков: айдоочулардын 77 пайызы автоинспекторго пара берет

Айдоочулардын 77 пайызы автоинспекторго пара берет. Бул тууралуу Рахат Сабырбеков Sputnik Кыргызстан радиосуна маек куруп жатып билдирди.

Анын айтымында, инспекторлорду жаш айдоочулар көп паралайт.

"Бишкек шаарындагы 1000 айдоочунун арасында сурамжылоо жүргүзүп, атайын иликтөөлөрдү жасадык. Булар кокустан тандалган айдоочулар. Андыктан жалпы айдоочулардын пикирин билдирет десек болот. Ага ылайык, калаадагы айдоочулардын 77 пайызы автоинспекторго пара берет экен. Алардын 10 пайызы эки жумада бир сөзсүз берип турушат", — деди Сабырбеков.

Ал паранын өлчөмү 100-200 сомдун тегерегинде экенин кошумчалады.