БИШКЕК, 25-дек. — Sputnik. Бишкекте унаа агымын суюлтуу үчүн эки эстакадалык көпүрө курулат. Бул туурасында калаа мэри Албек Ибраимов Sputnik Кыргызстан радиосуна маек куруп жатып билдирди.
Анын айтымында, учурда Фучик көчөсүнө курула турган эки эстакадалык көпүрөнүн долбоору даярдалып жатат.
"Бул долбоор ишке ашса шаардын борборуна кирбей эле калаанын экинчи тарабына жетүү мүмкүнчүлүгү түзүлөт. "Манас" аэрпортунан чыгып Фучик көчөсүнө чейин келип, андан ары Бах көчөсү менен жүрүп Бишкектин түштүк тарабына өтүп мамлекеттик резиденцияга чейин жетүүгө болот. Мунун жардамы менен жолдо унааагымы суюлуп, ал эми өкмөттүк кортеж альтернативалык жол менен резиденцияга жете алат", — деди мэр.
Аталган долбоор 2020-жылы жүзөгө ашырылат.
