Иманалиев: күндөн бир шаарга жетчү энергияны чогулткан станцияларды курсак болот
Күндөн бир шаарга жетчү энергияны чогулткан станцияларды курсак болот. Бул тууралуу Данияр Иманалиев Sputnik Кыргызстан радиосуна маек куруп жатып билдирди.
Анын айтымында, Кыргызстандын табияты күндөн энергия алууга ыңгайлуу.
"Кыргызстанда жыл ичинде 360 күнү күн тийип турат. Ал эми Европаны булут көп каптайт. Ушундан улам аларда күндөн энергия алуу мүмкүнчүлүгү биздикине салыштырмалуу аз. Ушундан улам изилдөө жүргүздүк. Ага ылайык, күндөн кубаттуу энергияны ала турган станцияларды курсак болот экен. Алардан алынган энергия менен шаарларды камсыздасак болот", — деди Иманалиев.
Ал жакынкы жылдары аталган станцияларды куруу аракетин көрүү зарылдыгын кошумчалады.
