БИШКЕК, 22-дек. — Sputnik. Россиялык космонавт Сергей Рязанский Эл аралык космос станциясынан жаңы жылдын символу болгон "балатынын" элеси түшүрүлгөн сүрөттү жарыялады.
Ал сүрөтүн социалдык тармактагы баракчасына жүктөгөн.
Очень рад быть дома, на Земле. Здесь во всем чувствуется приближение Нового года! Даже в этом снимке, сделанным над Саудовской Аравией, символично просматривается силуэт главного символа предстоящих праздников pic.twitter.com/Mv10kmiFNu
— Сергей Рязанский (@SergeyISS) 20 декабря 2017 г.
"Үйдө, жерде болгонума абдан кубанычтамын. Жаңы жылдын жакындап калганы абдан сезилип жатат. Керек болсо Сауд Аравиясынын үстүнөн тартылган сүрөттө дагы майрамдын символу болгон балатынын сөлөкөтүн көрүүгө болот", — деди космонавт.
Рязанский өзүнүн социалдык тармактагы баракчасына жер шарынын орбитасынан тартылган түрлүү сүрөттөрдү жүктөп келет. Мындай сүрөттөр кадимки эле фотоаппараттын жардамы менен тартылган.
Ал буга чейин Ысык-Көлдүн космостон тартылган сүрөтүн жарыялаган.
