БИШКЕК, 20-дек. — Sputnik. АКШнын Гарвард университетинин медиктери жер-жемиштин шекер аралаштырылган ширесин көп ичкен балдар көбүнесе астма илдетине кабыларын айтышты. Бул тууралуу Daily Mail басылмасына шилтеме берип РИА Новости жазып чыкты.
Жыйынтыгында аталган азыктарды көбүрөөк ичип-жеген балдар астма илдетине 77 пайызга көбүрөөк кабылаары аныкталган.
Мындан тышкары, кошбойлуу кезде таттуу ширелерди көп ичкен аялдардын балдары дагы дем алуу жагынан көйгөйлөр менен төрөлөөрү айтылды.
"Кант менен фруктоза кандай жол менен астмага алып келерин азырынча так билбейбиз. Бирок бул нерселер дем алуу органдарын сезгендириши мүмкүн деген божомолдор бар", — деди изилдөөчүлөрдүн бири Шерил Рифас-Шиман.
Бир аз мурда окумуштуулар астма илдетине ашыкча салмагы бар адамдар жана аялдар көбүрөөк кабыларын айтышкан.
