Эшенбаев: жакынкы күндөрү Бишкекте жер үстүндөгү экинчи өтмөк колдонууга берилет
Жакынкы күндөрү Бишкекте жер үстүндөгү экинчи өтмөк колдонууга берилет. Бул тууралуу капиталдык курулуш башкармалыгынын башчысы Нурлан Эшенбаев Sputnik Кыргызстан радиосуна берген маегинде билдирди.
Анын айтымында, буга чейин биринчи жер үстүндөгү өтмөк колдонууга берилген.
"Бул жылы кытай тарабынан грант берилип, үч жылга бөлүнгөн шаар ичиндеги көчөлөрдү оңдоо иштеринин алкагында жалпы 49 көчөнүн 37сине ремонт иштерин жасадык. Алардын 19ун толук бүтүрдүк. Ошондой эле жер үстүндөгү өтмөктөрдүн дагы бирин жакында колдонууга беребиз", — деди Эшенбаев.
Ал бул өтмөктөрдүн ар бирине 18,5 миллион сом каралганын кошумчалады.
