БИШКЕК, 18-дек. — Sputnik. Ирландиянын борбору Дублиндин эки эркек тургуну мурастарына салык төлөбөш үчүн баш кошууну чечишкен. Бул тууралуу РИА Новости Irish Times басылмасына таянып кабарлады.
Маалыматка ылайык, Майкл О'Салливан менен 30 жылдан бери достошуп жүргөн 85 жаштагы абышка өзүнүн кыймылсыз мүлкүн ага берүүнү чечкен.
Ирландиянын мыйзамына ылайык, жалгыз бой адамдын байлыгы өскөн сайын анын 33 пайызы мамлекетке өтүп турат. Салыктын мындай түрүн төлөөдөн качкан эркектер бири-бирине үйлөнүүнү чечкен.
Ошол эле учурда алар гей эмес экендиктерин айтып, үйлөнүп жаткандарынын себебин каржы жагына байланыштырышты.
Эркектердин үлпөт тою декабрдын аягына белгиленген. Бирок Ирландиядагы аба ырайынын туруксуздугуна байланыштуу, той январь айына калтырылды.
