Британиянын Кент аймагында эски үйдүн ээси үйгө коюлган камера арбакка окшогон ак түстүү кызык бир көрүнүштү тартып калганын айткан. Бул туурасында YouTube каналына маалымат жайгаштырылган.
Анда эшик тараптан алгач алакандай ак жарыктын үйдүн төрүн көздөй өтүп кеткенин, андан соң каалгыган тейде ак сөлөкөт учуп киргенин байкоого болот. Аны эки ирет көрүүгө болот.
Кожоюндун айтымына караганда, белгисиз көрүнүш камерага түшүп калгандан кийин, үйдө дагы сырдуу бир канча окуялар болгон. Тагыраагы, текчедеги буюмдар себепсиз эле жерге кулаган.
