БИШКЕК, 16-дек. — Sputnik. Бишкекте адам өлтүрүүгө шектелгендер кармалды. Бул тууралуу шаардык ИИБден кабарлашты.
28-октябрда Лев Толстой көчөсү менен Жаш Гвардия проспектисинин кесилишинде саат 15.00дөр чамасында аялдын сөөгү табылган. Анын денесинде кыйнап өлтүрүлгөндүгүн көрсөткөн тактар калып калган.
Кийнчерээк маркум Нарын облсунун 1969-жылкы тургуну экени маалым болгон.
Аталган кылмышка шектелип учурда 1985 жана 1992-жылкы эки киши кармалды.
"Шектүүлөр менен каза болгон аял спирт ичимдиктерин ичип отуруп урушуп кетишкен. Алар аны сабаганда аял жеринде жан берген", — деп айтылат маалыматта.
Аталган факты боюнча Кылмыш жаза кодексинин 97-беренеси (адам өлтүрүү) боюнча кылмыш иши козголду. Шектүүлөр убактылуу кармоочу жайга киргизилип, тергөө иштери жүргүзүлүүдө.
