Курулуш иштерине жалпысынан 16,4 миллион сом жумшалууда
БИШКЕК, 13-дек. — Sputnik. Ош шаарындагы Ак-Буура дарыясынын үстүнө уникалдуу подиум курулуп жатканын Sputnik Кыргызстан агенттигинин жергиликтүү кабарчысы билдирди.
Курулуш иштери менен шаар мэри Айтмамат Кадырбаев таанышты.
Ош шаарындагы Ак-Буура дарыясынын үстүнө курулуп аткан уникалдуу подиумдун эскизи
"Демилге шаар мэриясына тиешелүү. Сентябрь айында башталган курулуш келерки жылдын март айында аяктайт деп пландалууда. Буюрса Нооруз майрамынын алдында шаардыктарга белек катары тартуулайбыз. Бул жерде ар кандай маданий иш-чаралар жана мода жумалыктары өткөрүлөт. Долбоор уникалдуу болуп эсептелет. Анткени анын КМШ боюнча аналогу жок", — деди Айтмаматов.
Курулуш иштерине жалпысынан 16,4 миллион сом жумшалууда.
Долбоорго ылайык подуимдун тегерегинде отургучтар жайгашат дагы, четирээк жакта жарманкеге ылайыкталган аянт салынат.
