Карыпбаева: "Арашан" тобунда профессионал ырчылар гана иштешет
"Арашан" тобунда профессионал ырчылар гана иштешет. Бул тууралуу Кундуз Карыпбаева Sputnik Кыргызстан радиосуна маек куруп жатып билдирди.
Анын айтымында, аталган топ быйыл 25 жылдыгын белгилейт.
"Биздин топ чакан. Кичинекей оркестрибиз бар. Бирок балдарыбыз абдан таланттуу. Оркестрде 15 киши бар. Ал эми солисттерибизди кошкондо 22 киши эмгектенет. Белгилеп кетчү жери, бизде профессионалдар гана иштешет. Фольклор, опера жаатындагы ырларды, чет тилдеги чыгармаларды аткара алабыз", — деди Карыпбаева.
Ал "Арашандын" курамында алгач бийчилердин тобу да болгондугун кошумчалады.
