БИШКЕК, 11-дек. — Sputnik. Бүгүн, 11-декабрда, президент Сооронбай Жээнбеков тышкы иштер министри Эрлан Абдылдаевди кабыл алгандыгы өлкө башчынын расмий сайтында жазылды.
Жолугушуу маалында Абдылдаев Европадагы коопсуздук жана кызматташтык уюмуна (ЕККУ) кирген мамлекеттердин тышкы иштер министрлеринин кеңешмесинин жыйынтыгы жана Сербияга болгон иш сапары тууралуу маалымат берди.
Мындан тышкары, министр 13-14-декабрда Өзбекстанга болгон президенттин иш сапарына даярдык жөнүндө билдиргени айтылды.
