Бишкектеги Кожомкул атындагы спорт ордосунда ММА JFC Fight Night 2017 турнири өтүп жатат. Анда Кыргызстан, Казакстан, Өзбекстан, Тажикстан, Украина жана Чеченстандан келген мушкерлер беттешет.
Кеченин программасы боюнча 12 беттеш өткөрүлөт. Анын ичинде "Жаш Куч" жана "Ахмат" клубдарынын мушкерлери 4х4 форматында беттешет (Кыргызстан менен Чеченстандын мушкерлери).
Ал эми чемпиондук кур үчүн кыргызстандык "Ак аюу" Мыктыбек Мамасалиев менен украиналык Юрий Проценко кармашат.
JFC Fight Night турнири Кыргызстандын борборунда үчүнчү ирет өтүп жатат.
2015-жылы ММА боюнча америкалык мушкер Жефф Монсонду жеңген кыргызстандык Замирбек Сыргабаев чемпион аталган.
