БИШКЕК, 30-ноя. — Sputnik. Казакстандын Бишкектеги элчилигинин алдына активисттер "Бакиевдин үй-бүлөсү үчүн" деп ич кийим менен байпак салынган коробканы таштап кетишти. Бул тууралуу Sputnik Кыргызстан агенттигинин кабарчысы жеринен билдирди.
![Казакстандын Бишкектеги элчилигинин алдына активисттер Бакиевдин үй-бүлөсү үчүн деп ич кийим менен байпак салынган коробканы таштап кетишти Казакстандын Бишкектеги элчилигинин алдына активисттер Бакиевдин үй-бүлөсү үчүн деп ич кийим менен байпак салынган коробканы таштап кетишти - Sputnik Кыргызстан](https://sputnik.kg/img/103658/30/1036583056_0:375:4032:2910_600x0_80_0_0_e421beb558984009a59b3b670a09275b.jpg)
![Активисттердин айтымында, алар мурунку президент Курман Бакиевдин казак мамлекеттик Хабар телеканалы аркылуу көрсөтүлгөн даректүү тасмада айткан пикирине каршы болушууда Активисттердин айтымында, алар мурунку президент Курман Бакиевдин казак мамлекеттик Хабар телеканалы аркылуу көрсөтүлгөн даректүү тасмада айткан пикирине каршы болушууда - Sputnik Кыргызстан](https://sputnik.kg/img/103658/37/1036583788_0:143:4032:2678_600x0_80_0_0_5f1d53a34ec38c376202c1a542bec920.jpg)
![Казакстандын элчилиги митингге эч кандай реакция кылган жок Казакстандын элчилиги митингге эч кандай реакция кылган жок - Sputnik Кыргызстан](https://sputnik.kg/img/103658/33/1036583326_0:489:4031:3024_600x0_80_0_0_acb180c43ff2e34d7ecfc1d253e6596c.jpg)
Активисттердин айтымында, алар мурунку президент Курман Бакиевдин казак мамлекеттик "Хабар" телеканалы аркылуу көрсөтүлгөн даректүү тасмада айткан пикирине каршы болушууда.
"Ал мамлекетти тоногонун тоноп алып, Кыргызстандан эч нерсеси жок кеткенин, керек болсо ич кийимине чейин алдырганын билдирди. Минтип айткандан кантип уялган жок? Чын эле ошондой болсо анда биз ага, анын баласы менен агасына ич кийим менен байпак салып жиберебиз. Бул белекти ага өзүнүн каналы аркылуу көрсөткөн мамлекет жеткирип койсун", — дешти активисттер.
Казакстандын элчилиги митингге эч кандай реакция кылган жок. Ал эми акциянын катышуучулары коробканы дипломатиялык өкүлчүлүктүн алдына таштап кетишти.