Акенеев: унаа чогултуучу завод курулуп калса өлкө экономикасына пайдалуу болот
Унаа чогултуучу завод курулуп калса өлкө экономикасына пайдалуу болот. Бул тууралуу Жумакадыр Акенеев Sputnik Кыргызстан радиосуна маек куруп жатып билдирди.
Анын айтымында, унаа тетиктери темир жол аркылуу ташылгандыктан завод Токмокко же Ош шаарына курулушу мүмкүн.
"Бизде Өзбекстанга караганда электр энергиясы арзан. Ал эми кошумча салык алда канча аз. Мындан сырткары, унаалар талапка жооп берсе аларды ЕАЭБ өлкөлөрүнө сатыкка чыгарса болот. Ошондуктан унаа чогултуучу заводду Кыргызстанга куруу пайдалуу. Эгер демилге ишке ашса бир канча жарандарыбыз иш менен камсыз болот", — деди Акенеев.
Ал унаа чогултуучу завод курулуп калса биздин жарандар жаңы машиналар менен жүрүп каларын кошумчалады.
