БИШКЕК, 28-ноя. — Sputnik. Бишкек шаардык кеңештеги КСДП фракциясынын лидери Алмаз Кененбаев жыйын учуруна КСДП фракциясы көпчүлүк коалициядан чыга турганын билдирди. Бул тууралуу Бишкек шаардык кеңештин маалымат кызматы билдирди.
Шаардык кеңеште жалпысынан беш партия бар. Алардын үчөө — КСДП, "Кыргызстан" жана "Республика — Ата-Журт" партиялары көпчүлүк коалицияда болчу. Ал эми "Өнүгүү-Прогресс" менен "Мекеним Кыргызстан" оппозияда калган.
"Коалициянын кайрадан түзүлүшү көпчүлүк коалициянын ишинде белгиленген пландарды ишке ашырууга байланыштуу", — деди Кененбаев.
Эске салсак, Бишкек шаардык кеңеши калаа башчысын шайлап, шаардык бюджетти бекитет.
