Victoria's Secret брендинин көргөзмөсүндө модель подиумдан кулап түштү. Видео

© AP Photo / Andy WongКытайлык модель Мин Си Victoria's Secret брендинин Шанхайдагы көргөзмөсүндө
Кытайлык модель Мин Си Victoria's Secret брендинин Шанхайдагы көргөзмөсүндө - Sputnik Кыргызстан
Жазылуу
НовостиTelegram
Көпчүлүк күткөн мода көрмөзмөсүндө кытайлык модель подиумдун так ортосунан тайгаланып кулап түштү

БИШКЕК, 22-ноя. — Sputnik. Victoria's Secret брендинин Шанхайдагы көргөзмөсүндө кытайлык Мин Си аттуу модель подиумдун ортосуна жеткенде тайгаланып жыгылып кетти. Бул тууралуу The Daily Mail кабарлады.

Маалыматта жазылгандай, буга чейин аталган компаниянын бир нече көргөзмөсүнө катышкан модель бул жолу дизайнер Оливье Рустендин колунан жаралган кийимди кийип чыккан.

Үч миң көрүүчүнүн көзүнчө кулап түшкөн сулуу кайра тура калып элди жылмая карады дагы башка моделдин жардамы менен подиумдун аягына чыкты.

"Аябай ыңгайсыз болдум, баарыңыздардан кечирим сурайм. Жети жылдан бери моделдик карьерамда жыгылып кеткен учурлар көп эле болгон. Бирок канчалык оор экенине карабай туруп андан ары кетиш керек", — деген билдирүүсүн Си өзүнүн Weibo соцтармагындагы баракчасына жазды.

Victoria's Secret өзүнүн ич кийимдер көргөзмөсүн 1995-жылдан бери өткөрүп келет. Андан бери Адриана Лима, Алессандра Амбросио, Жизель Бундхен, Хайди Клум, Тайра Бэнкс, Карли Клосс сыяктуу айтылуу моделдер подиумга чыгышкан.

Жаңылыктар түрмөгү
0