Apple: iPhone X телефонунда кемчилик бар экени чындык

© Sputnik / Евгения Новоженина / Медиабанкка өтүүApple компаниясынын iPhone X телефону. Архив
Apple компаниясынын iPhone X телефону. Архив - Sputnik Кыргызстан
Жазылуу
iPhone X сатууга 3-ноябрда чыккан

БИШКЕК, 11-ноя. — Sputnik. Apple компаниясы iPhone X телефонунун сенсордук экраны нөл градуска жакын суукта бармактын басуусуна жооп бербей каларын мойнуна алды. Бул тууралуу The Loop порталына таянып РИА Новости жазды.

Алгач бул көйгөй тууралуу интернет колдонуучулар айтып чыккан.

"Биз iPhone X телефонунун экраны суукта бармактын басуусуна жооп бербей каларынан кабарыбыз бар. Бул көбүнчө жылуу жерден суукка чыга калганда болот. Бирок бир аздан кийин кайра иштей баштайт. Бул көйгөй жакында чечилет", — дешти Apple компаниясынан.

Эске салсак, буга чейин iPhone X телефонунун адам жүзүн аныктоочу функциясында да кемчиликтер бар экендиги айтылган.

iPhone X сатууга 3-ноябрда чыккан.

Жаңылыктар түрмөгү
0