Жээнбеков: кыргыз мушкерлери жүрөгүндөгү жалыны менен айырмаланып турат
Жеке кармаштар боюнча Кыргызстандын жана бир нече эл аралык турнирлердин жеңүүчүсү Тилек Жээнбеков Sputnik Кыргызстан маалымат агенттигине берген маегинде кыргыз мушкерлеринин өзгөчөлүгү тууралуу айтып берди.
Анын билдиришинче, кыргыз мушкерлери эл аралык аренада өлкө намысын коргоого жарап калды.
"Мен он жылдан бери ар кандай спорттук беттештерде күч сынашып келе жатам. Байкашымча бизде курч мүнөз, эрк, жүрөктө жалын бар. Бирок, мүнөзгө эле басым жасабай спорттун жаңы техникаларын өздөштүрүп, ыкмаларды үйрөнүү керек. Себеби спорт бир жерде турбайт. Экинчиден бизде спорт менен алектенүүгө шарт жок. Эгерде жакшы колдоо, шарт болсо спортчуларыбыздын дүйнөлүк аренага чыгууга толук мүмкүнчүлүктөрү бар", — деди спортчу.
