Атчабаров: мобилдик капчыкты бирдик салып туруп эле колдоно берсе болот
Мобилдик капчыкты бирдик салып туруп эле колдоно берсе боло тургандыгын эксперт Мунарбек Атчабаров Sputnik Кыргызстан радиосуна маек куруп жатып билдирди.
Анын айтымында, аталган тиркемени интернеттен акысыз эле көчүрүп алса болот.
"Өлкө боюнча алты миллион адам болсо, жети миллион сим-карта колдонулат. Бул келечекте мобилдик капчыкты ушунча адам колдонот дегенди түшүндүрөт. Анткени кадимки бирдик салып туруп эле бардык жумуштарды бүтөрө берсе болот. Бул абдан ыңгайлуу", — деди Атчабаров.
Ал баланска салган акчаны каалаган учурда кайра чыгарып алса болорун кошумчалады.
