Жээнбеков: UFC уюмунун мушкерлери менен машыгуу өткөрүп келдим
Жеке кармаштар боюнча Кыргызстандын жана бир нече эл аралык турнирлердин жеңүүчүсү Тилек Жээнбеков Sputnik Кыргызстан маалымат агенттигине берген маегинде жакында эле чет өлкөдөн машыгуу өткөрүп келгенин билдирди.
"Швецияда жайгашкан All stars залында беделдүү делген UFC уюмунун учурдагы мушкерлери машыгат. Ошондой спортчулар менен чогуу машыгуу сыймык жана жаңы тажрыйба. Ал эми Швеция мамлекети тууралуу айта турган болсом, элинин спортко болгон мамилеси жакшы экенин байкадым. Таң эрте жаш-кары дебей көнүгүүлөрдү жасап, велосипед тээп, спорт менен машыккан эле эл", — деди спортчу.
Ал ошондой эле Швециянын суусунун тазалыгына баа бергендигин кошумчалады.
