Айтымбетов: жаңы конуштардагы көчөлөргө асфальт төшөлөт
Октябрь районуна караштуу жаңы конуштардагы 11 көчөгө шагыл төгүлүп, тегизделди. Бул тууралуу Бишкек шаарындагы Октябрь районун акими Ренат Айтымбетов Sputnik Кыргызстан радиосуна маек куруп жатып билдирди.
Анын айтымында, кийинки жылы аталган көчөлөргө асфальт төшөлөт.
"Үстүбүздөгү жылы шаардагы бир канча көчөлөр оңдолду. Алардын арасында Октябрь районуна караштуу көчөлөр да кирет. Мындан сырткары, райондогу алты жаңы конуштун 11 көчөсүнө шагыл төгүлүп, оңдолду. Буюрса кийинки жылы каражат маселеси чечилип калса асфальт төшөлөт", — деди Айтымбетов.
Эске сала кетсек, быйыл жалпысынан Кытай бөлгөн грантка узундугу 95 чакырымды түзгөн 49 көчө оңдолуп, 7 көпүрө салынат.
