БИШКЕК, 27-окт. — Sputnik. Жалбырак менен таштанды өрттөгөн шаар тургундары айыпка жыгыла турганын мэрия билдирди.
Маалыматка ылайык, ушу тапта муниципалитеттин санитардык-экологиялык инспекциясы "Ачык асман" демилгесинин алкагында шаар тургундарынын арасында түшүндүрүү иштерин жүргүзүүдө.
"Административдик кодекске ылайык таштанды менен жалбырак өрттөгөн жарандар 2 миң сомдон 10 миң сомго чейин айыпка жыгылат. Түшкөн жалбыракты өрттөөдөн адам саламаттыгына зыян келтирген уулуу газ чыгат", — деп айтылат билдирүүдө.
Мэрия жалбырак же таштанды өрттөлүп жатканын көргөндөр болсо 185 же 65-81-59 телефондору аркылуу кабарлап коюуну өтүнөт.
