БИШКЕК, 23-окт. — Sputnik. Ош шаарындагы Сулайман-Тоо мечитинде өткөн жыйында кызматкерлер үчүн функционалдык китепченин зарылдыгы айтылып, жакын арада иштелип чыкмай болду. Бул тууралуу муфтият кабарлады.
Маалыматка ылайык, иш-чарада азан айтуунун эрежелери, иш кагаздарынын жүргүзүлүшү жана иштегендердин жоопкерчилиги каралды.
Ошондой эле жыйын алкагында шаардык казыяттын аппарат кызматкерлери мечиттерди таза кармоо жана жарандарга шарт түзүп берүү, азан айтуунун эрежелери, тартиптери, милдеттери, азанды мукам айтуу боюнча бир катар түшүндүрүү иштери жүргүзүлүп, айрым мечит кызматкерлерине эскертүү берилди.
Эми мындай жыйындар эки айда бир өткөрүлүп турмакчы.
