БИШКЕК, 22-окт. — Sputnik. Россиялык космонавт Сергей Рязанский Кыргызстандын бермети болгон Ысык-Көлдүн Эл аралык космостук станциядан тартылган сүрөтүн соцтармакка жарыялады.
"Ысык-Көл аянты боюнча дүйнөдөгү ири делген 25, ал эми тереңдиги боюнча 6 көлдүн арасына кирет", — деп сүрөттүн алдына жазып койгон.
Рязанский соцтармактагы баракчаларына Жер орбитасынан тартылган шаарлардын сүрөттөрүн жайгаштырып келет. Космостук станцияда мындай сүрөттөр кадимки камеранын жардамы менен тартылат.
Сергей Рязанский — россиялык космонавт, Россиянын баатыры наамына ээ. 28-июлдан бери эл аралык космостук станцияда.
Буга чейин түнкү Бишкекти космостон дагы бир белгилүү россиялык космонавт Олег Новицкий тарткан. Анда сүрөт иллюминатордон тартылган.
