Мамбетова: алгач Памирден 50 адамды алып келүү пландалган
Алгач Памирден 50 адамды алып келүү пландалган. Бул тууралуу Мамлекеттик миграция кызматынын кайрылмандар менен иштөө бөлүмүнүн башчысы Жыпара Мамбетова Sputnik Кыргызстан радиосуна маек куруп жатып билдирди.
Эске сала кетсек, кыргыз өкмөтү памирлик 33 кыргызды өлкөгө алып келди.
"Памирде паспорт маселеси өтө көйгөйлүү. Анткени алардын эч кандай документтери жок. Алгач Кыргызстанга алып барып, билим берүү демилгеси көтөрүлгөндө 50 адамдын тизмеси түзүлгөн. Бирок бирөөнүн төрөй турган убагы жакындап ал келе албай калды. Башкалардын паспорту бүтпөй калды. Ошентип 33 адамды алып келдик", — деди Мамбетова.
Ал Кыргызстанга алып келингендердин баары өтө кубанышканын кошумчалады.
