БИШКЕК, 18-окт. — Sputnik. Кыргызстанда "Акылтай" деп аталган балдар журналы чыкканын анын башкы редактору Айша Курбанова билдирди.
"Балдар журналы кыргыз жана орус тилдеринде ай сайын чыгат. Ал кенже класстардын окуучуларына ылайыкталган. Ичинде ыр-жомоктордон сырткары, кичинекейлерди тапкычтыкка тарбиялаган ар кандай оюндар, баш катырмалар, сканворддор бар", — деди ал.
Курбанова журналда Кыргызстандын керемет жерлери жөнүндө сүрөт коштогон маалыматтар жайгаштырылгандыгын, аны ар бир санда айтып бере тургандыктарын кошумчалады.
Кыргызстанда бул журналдан сырткары кенже балдар үчүн "Байчечекей", "Баластан" журналдары чыгат.
