БИШКЕК, 15-окт. — Sputnik. Эң активдүү шайлоочулар Ош шаарынын жашоочулары болду деп айтылат БШКнын сайтында.
Түшкү саат 13:00гө чейин Ош калаасындагы ар бир экинчи жашоочу, тагыраагы, шайлоочулардын 31, 4 пайызы добуш берип койгондугу маалыматта айтылат.
Экинчи орунда Талас облусу туруп, аймактагы шайлоочулардын 28,9 пайызы жарандык милдетин аткарып, добушун берген. Үчүнчү орунду Бишкек шаары камсыздап, шайлоого элдин 26,9 пайызы келген.
Андан кийин Нарын келе жатат. Анда шайлоочулардын 26,5 пайызы жарандык милдетин аткарган. Ысык-көлдүктөрдүн 24,8 пайызы, баткендиктердин 23,4 пайызы шайлоо тилкесине келген. БШК Чүй облусу боюнча шайлоочулардын 22 пайызы келди деген маалымат берди.
Шайлоочулар ыкшоо болгон Ош (21,5) жана Жалал-Абад (21,2) облустары деп айтылууда.
Ал эми жалпы Кыргызстан боюнча саат 13:00гө шайлоочулардын 23,8 пайызы келген деп айтылган.
