БИШКЕК, 14-окт. — Sputnik. Кыргызстандык аялдардын көбү ноябрь айында боюнда болгондуктан август айында ымыркайлар көп төрөлөт. Бул тууралуу Улуттук статистика комитетинин отчетунда айтылат.
Бойго бүтүү боюнча октябрь айы экинчи орунда турат. Ал эми февраль жана май айларында бойго бүтүү аз болоорун адистер эсептеп чыгышкан.
Күн сайын өлкө боюнча 433 ымыркай жарык дүйнөгө келет. Бул деген ар бир үч мүнөт сайын жаңы ымыркай төрөлөт дегенди түшүндүрөт.
