БИШКЕК, 11-окт. — Sputnik. Ысык-Көл облусунда кошуна аялды зордуктап, анын күйөөсүн сабап салды деп милиция кызматкери шектелип жатат. Бул тууралуу Sputnik Кыргызстан агенттигине Ысык-Көл ОИИБинин маалымат кызматынан билдиришти.
Анын айтымында, милиция кызматкери аны күч колдонуп зордуктап, күйөөсүн сабап салган. Атургай жолдошу ооруканага түшүп калганын дагы кошумчалады.
ИИМдин Ысык-Көл облусу боюнча ички иликтөө кызматы шектүү адамды колго түшүрдү.
Ал Жети-Өгүз району боюнча кадрлар бөлүмүнүн инспектору, милициянын майору Д.С. болуп чыкты.
"Кармалган адам жабырлануучулардын кошунасы болуп чыкты. Медицининалык экспертизанын жыйынтыгында шектелген адам мас экени белгилүү болду", — деп айтылат билдирүүдө.
Шектелүүчү убактылуу кармоо жайына киргизилип, кылмыш иши козголду.
