БИШКЕК, 9-окт. — Sputnik. Бишкек шаарынын түштүк-батышында 10-октябрда саат 9:00дөн 17:00гө чейин суу болбойт. Бул тууралуу мэриянын маалымат кызматы билдирди.
Мындай аракеттер "Түштүк-батыш" жана "Гагарин" суу кампаларындагы оңдоо иштерине байланыштуу. Таза суу Лев Толстой, Жунусалиев, Айни, Чайковский көчөлөрүндө болбойт.
Суу болбой турчу аймактар:
- "Ак-Өргө" конушу;
- "Ак-Ордо" конушу;
- Ленин районундагы аскер комиссариаты;
- ИИМдин ОП 36/47 мекемеси;
- №55 мектеп;
- "Яшар" ЖЧКсы;
- №5 мончо;
Ошондой эле "Кока-Кола" ЖЧКсында, "Тамга-Таш ЛТД" ЖЧКсында, "Лина" фирмасында, "Кыргызконьягы" менен "Комбинат" жоопкерчилиги чектелген коомунда суу болбойт.
