Борбор калаанын Шабдан баатыр көчөсүндө жол кырсыгы болуп, Honda CR-V жана Toyota Rav-4 автоунаалары сүзүштү. Бул туурасында окуянын күбөсү маалымдады.
Окуянын күбөсүнүн айтымында, окуя болжол менен саат 22:02 чамасында болду. Honda айдоочусу Чүй проспектиси жактан келе жаткан, ал эми Toyota түндүк жакка бурулуп кетиш үчүн каршы тилкеге чыга калган. Анын кесепетинен экөө кагышып, Honda андан ары барып түркүктү сүзгөн.
Күбө айдоочуну Тез жардам кызматы алып кеткендигин, анын моюну жабыркагандыгын билдирди. Ал эми Тез жардам кызматы маалыматты тастыктап, кырсык болгон жерге эки Тез жардам унаасы чынып кеткендигин, азырынча алардын эмне жаракат алгандыгын так билдире албастыгын айтышты.
Күбө экинчи автоунаанын айдоочусу жабыркабагандыгын айтты.
Кайгуул милициясынан мындай факты болгондугун, учурда инспекторлор жеринде иштеп жаткандыгын билдиришти.
