Президент Атамбаев Сочиде боло турган ЕАЭБ Кеңешинин жыйынына барбай калды

© Sputnik / Алексей Дружинин / Медиабанкка өтүүПрезидент Алмазбек Атамбаевдин архивдик сүрөтү
Президент Алмазбек Атамбаевдин архивдик сүрөтү - Sputnik Кыргызстан
Жазылуу
Өлкө башчынын аппараты иш сапардан баш тартуу себебин түшүндүрүп берди

БИШКЕК, 9-окт. — Sputnik. Президент Алмазбек Атамбаев Сочи шаарына болгон иш сапарынан баш тартты. Бул тууралуу өлкө башчынын маалымат кызматы кабарлады.

Эскерте кетсек, буга чейин президент 10-11-октябрь күндөрү Сочиде өтө турган КМШ мамлекет башчыларынын кеңешинин жана Евразиялык экономикалык комиссия кеңешинин жыйынына катышары айтылган. 

"Шайлоого карата айрым саясатчылардын башаламандык уюштуруу ниети ачыкка чыккандан кийин өлкө башчы Кыргызстанда болууну чечти. Бул күнү президент өлкө ичиндеги тартип менен коопсуздукту жеке көзөмөлүнө алат", — деп айтылат билдирүүдө.

Аталган жыйындарга өкмөт башчы Сапар Исаков башында турган делегация катышмакчы.

Жаңылыктар түрмөгү
0