БИШКЕК, 9-окт. — Sputnik. Бүгүн өлкө президенти Алмазбек Атмабев 10-11-октябрь күндөрү Сочи шаарында боло турган Көз карандысыз мамлекеттер шериктештигинин өлкө жетекчилеринин жана Евразиялык экономикалык жогорку кеңешинин жыйынына барбай турганы белгилүү болду.
Sputnik агенттиги өлкө башчысы чет өлкөлөргө мурдатан пландалган сапарлардан баш тарткан беш учурду эске салды.
1. 2012-жылдын декабрь айы. КМШ өлкөлөрүнүн башчыларынын кеңешинин жыйыны. Ашхабаддагы өлкө башчыларынын жолугушуусуна кыргыз делегациясын ал кездеги вице-премьер Жоомарт Оторбаев баштап барган. Расмий маалыматтарга караганда, анда президент Түркмөнстанга ишинин көптүгүнгөн бара албай калган.
2. 2013-жылдын октябрь айы. КМШ өлкөлөрүнүн башчыларынын кеңешинин жыйыны. Минск шаарына Алмазбек Атамбаевдин ордуна вице-премьер Жоомарт Оторбаев барып келген. Атамбаевдин барбай калышынын себептери айтылган эмес, бирок журналисттер муну ал өлкөдөн Курманбек Бакиевдин саясий башпаанек алышы менен байланыштырышкан.
4. 2016-жылдын май айы. Душанбе шаарына расмий иш сапар. Анда Атамбаев тажикстандык кесиптеши менен биргеликте кыргыз-тажик чек арасы боюнча бир катар келишимдерге кол коймок. Бирок айтылбаган себептер менен өлкө башчысы иш сапардан баш тарткан.
5. 2016-жылдын сентябрь айы. БУУнун Генералдык ассамблеясынын 71-сессиясы. Кыргыз лидери ассамблеяда доклад менен чыкмак. Бирок жолдон ден соолугу начарлап, №1 борт Стамбул шаарынын аэропортуна конууга мажбур болгон. Анда Атамбаевге түрк дарыгерлери жардам көрсөткөн. Кыргызстандын делегациясын тышкы иштер министри Эрлан Абдылдаев коштоп, Түркиядан ары кетишкен. Ал эми Москва шаарындагы ооруканага жеткирилген президент 1-октябрь күнү Кыргызстанга кайткан.
