БИШКЕК, 8-окт. — Sputnik. Тажикстандын президенти Эмомали Рахмондун улуу агасы Нуриддин Рахмон каза болгонун Sputnik Тажикстан маалымат агенттиги билдирди.
Рахмондун улуу агасы жүрөгү кармап 67 жашында дүйнө салган.
Маалыматка ылайык, ал акыркы убакта ооруканада дарыланып жаткан. Анын сөөгү жекшемби күнү эртең менен Дангара шаарчасында жерге берилет.
Нуриддин Рахмон мамлекеттик кызматтарды ээлеген эмес. Көп жылдар бою механизатор болуп эмгектенип, андан кийин "Рахмонджон" дыйкан чарбасын башкарып келген.
