ТАШКЕНТ, 5-окт. – Sputnik. Президент Алмазбек Атамбаев улутчулдарга каршы күрөшүүсү тууралуу эки тараптуу жолугушуулардын жыйынтыктоочу брифинги учурунда билдирди.
"2010-жылдагы каргашалуу окуядан кийин улутчулдар баш көтөрө баштады. Алар эми эле интернационализм жолун жолдошууда, себеби улутчулдар бизде камалат. Мен ар дайым мындай көрүнүш менен кантип күрөшүү керектигин ойлонуп келем", — деди президент.
Атамбаев туура чечим кабыл алууга "Манас" эпосундагы "Кулалы таптап куш кылдым, курама жыйып журт кылдым" деген саптары жардам бергенин билдирди.
"Мен демөөрчү таап Манастын эстелигин орноттум. Ал ортодо "дагы бир эстеликтин эмне кереги бар" деп кыйкырып чыккандар болду. Бирок эстелик бизге көп улуттуу экенибизди эстетип туруу үчүн керек", — деди президент.
Өзбекстандын президенти өз учурунда жакында эле "Манас" эпосу өзбек тилинде басылып чыкканын айтып, бир нускасын Атамбаевге белекке берди.
