Назарбеков: жер титирөө учурунда үйдөгү бийикте турган айнек буюмдар кооптуу
Үйдөгү бийик жайда турган айнек буюмдары жер силкинүү учурунда кооптуу. Бул тууралуу ӨКМдин Бишкек шаары боюнча Куткаруу кызматынын жетекчиси Мелисбек Назарбеков Sputnik Кыргызстан радиосуна маек куруп жатып билдирди.
Анын айтымында, салмактуу жана айнектер жасалган буюмдарды жерге жакын эле койгон жакшы.
"Жер силкинүү учурунда адамдарды шкафтар басып калган учурлар көп кездешет. Мындан сырткары, оор жана айнек буюмдарды бийик жакка коюуга болбойт. Анткени алар кооптуу болуп саналат", — деди Назарбеков.
Адис жер силкинүү учурунда столдордун астына кирип калкаланса болорун айтты.
