БИШКЕК, 4-окт. — Sputnik. Lexus RХ 350 унаасын ичиндеги 12 жашар кыз менен айдай качууга шектүү киши кармалды. Бул тууралуу шаардык Кайгуул милициясынын маалымат катчысы Чолпон Арстанбеков билдирди.
Анын айтымында, окуя бүгүн саат 15:00дөр чамасында катталган.
24 Тогуздун айы 2016, 16:47
Lexus RХ 350 унаасынын ээси машинаны токтотуп Ош шаарынын Алиев көчөсүндө жайгашкан дүкөндөрдүн бирине кирген. Унаанын ичинде 12 жаштагы кызы калган. Дүкөндөн чыгып унаасын токтоткон жерден таппай калып, милицияга кайрылган.
Ыкчам аракеттин аркасында Алиев жана Абдыкадыров көчөлөрүнүн кесилишинен аталган унааны ШИИБдин Кайгуул милициясынын бөлүм башчысы Айжигит Закиров колго түшүргөн.
Айдай качкан киши 31 жашта экени аныкталды. Учурда териштирүү жүрүп жатат.
