БИШКЕК, 30-сен. — Sputnik. Улуттук коопсуздук боюнча мамлекеттик комитет Жогорку Кеңештин депутаты Канатбек Исаевди Башкы прокуратура тарабынан козголгон кылмыш иштин алкагында кармады.
Белгилей кетсек, башкы көзөмөл орган эл өкүлүнө Кылмыш жаза кодексинин 27 (кылмышка даярдык көрүү), 233 (массалык башаламандык) жана (бийликти басып алуу же күчтөп кармап туруу) беренелери боюнча айып такты.
Башкы прокуратура аталган адамдар өз катарына башкаларды тартып, аларга акчалай сыйлык берүүнү убадалашканын белгиледи.
"Шайлоонун жыйынтыгы бурмаланды деген кине менен ар кандай провокацияларга жол берүү пландалган. Ал массалык башаламадыкты шарттап, куралдуу кагылышууларга алып келмек. Натыйжада аталган адамдардын аракети менен Кыргызстандагы бийлик кулатылышы керек болчу", — деп айтылат маалыматта.
Ишти ар тараптуу жана объективдүү иликтөө үчүн материалдар УКМКнын Башкы тергөө башкармалыгына жөнөтүлгөн.
УКМКнын айтымында, массалык башаламандыкка адамдарды тартуу үчүн Исаев тарабынан уюшкан кылмыштуу топтун өкүлдөрүнө ири суммадагы акча берилип, бийликти курал менен басып алуу жана абалды туруксуздаштыруу аракеттери да каралган.
Учурда тергөө иштери жүрүп жатат.
