БИШКЕК, 29-сен. — Sputnik. Борбор калаадага Гапар Айтиев атындагы көркөм өнөр музейинде "Шанхай деми — 2017" маданият фестивалынын алкагында живопись, сүрөт көргөзмөсү өттү.
Бул көргөзмөгө Россиянын, Казакстан, Өзбекстан, Тажикстан жана Кытайдын чыгармачылык топтору эмгектерин алып чыккан.
Кытайлык Пенг Куаню жетектеген чыгармачыл топ Кыргызстанга 23 сүрөт алып келген.
"Биз бул сүрөттөр менен кытай элинин маданиятын даңазалагыбыз келди", — деди ал.
Мурдарааак ШКУнун Жаштар кеңешинин улуттук бөлүгү боюнча координатору Таалайбек Дайырбеков Шанхай кызматташтык уюму бир гана соода-экономикалык багыт менен чектелбеши керектигин билдирген. Ал ШКУнун максаты саясат эле эмес, ар улуттун маданиятын жана улуттук салттарды сактоо экенин да кошумчалап өткөн.
