БИШКЕК, 25-сен. — Sputnik. "Ата-Журт" партиясынын теңтөрагасы Камчыбек Ташиев президенттик шайлоого катышуудан баш тартты. Бул тууралуу Sputnik Кыргызстан агенттигине партиянын маалымат катчысы Нургазы Анаркулов билдирди.
Анын айтымында, Ташиев башка бир талапкерди колдоону чечкен.
"Азырынча БШКга арыз бере элекпиз. Бирок бул так чечим", — деди Анаркулов.
БШК төрайымынын орун басары Абдыжапар Бекматов бул боюнча чечим жакынкы күндөрү кабыл алынарын айтты.
Белгилей кетсек, президенттикке 13 талапкер ат салыша баштаган.
Талапкерлердин КТРК каналындагы дебатынын графигин Sputnik Кыргызстан агенттиги даярдаган материалынан көрүңүздөр>>
