Бишкектин 30дан ашык көчөсүндө эртең жарык болбойт. Тизме

БИШКЕК, 25-сен. — Sputnik. Шейшемби күнү Бишкек шаарынын 30дан ашык көчөсүндө жарык өчөрүн "Түндүкэлектр" ААКтын маалымат кызматы билдирди.

26-сентябрда саат 9:00дөн 12:00гө чейин эки көмөк чордондо оңдоо иштери жүргөндүктөн Тимирязев, Махатма Ганди, Фрунзе, Рыскулов, Үмөталиев, Калык Акиев жана Токтогул көчөлөрүндө жарык болбойт.

Андан сырткары, саат 9:00дөн 17:00гө чейин Матыев, Асаналиев, Красная, Украин туюк көчөсүндө жана Барнаул көчөлөрү электр энергиясыз калат. Ошондой эле аталган убакта "Ак-Босого" жаңы конушунда дагы жарык өчөт.

"Көк-Жар", "Красный строитель" жаңы конуштары жана Орто-Сай айылы жарык алган көмөк чордондордо дагы оңдоо иштери жүрөт.

Саат 09:00дөн 17:00гө чейин Чоң Чүй каналын бойлой Шабдан баатыр көчөсүнөн Достоевский көчөсүнө чейинки үйлөргө жарык берилбейт.

"Чыгыш-5" кичирайонундагы №31, 33, 53 үйлөрдө, 10-кичирайондогу №9,10а, 10б, 11, 16-19, 17/1 үйлөрдө, тогузунчу кичи райондогу Малдыбаев көчөсүндө жайгашкан №36, 36а, 36б, 38, 38/1, 38А үйлөрдө жарык өчөт.

Ал эми саат 13:00дөн 15:00гө чейин 6-кичирайондо (№5а үй), Мичурин, Фирсов, Байтик баатыр көчөсүндө электр энергиясы жок болот.