БИШКЕК, 25-сен. — Sputnik. Борбор калаадагы Гагарин жана Бакаев көчөлөрүнүн кесилишинде төрт автоунаа кагышканын окуяга күбө болгон адам Sputnik Кыргызстан агенттигине билдирди.
Анын айтымында, кырсык саат 15:30дар чамасында айдоочулар аралыкты сактабагандыктан болгон.
"Кишилерден эч ким жабыркаган жок, бирок машиналар мыйрыйып калды. Алар светофордон өтүүгө жетишпей калгандыктан кагышты. Мунун айынын эки чакырымга жеткен жол тыгыны пайда болду. Ошол жерде 25 мүнөт турдум", — деди ал.
Милиция жол кырсыгы болгонун тастыктап, окуянын чоо-жайын териштирип жатканын билдирди.
