Колу-бутун байлап, багажнигине жатып алган депутат досторун тамашалаган. Бул тууралуу Sputnik Кыргызстан агенттигине шаардык милициянын маалымат катчысы Замир Сыдыков билдирди.
Анын айтымында, депутатка иш Кылмыш жаза кодексинин 234-беренеси (бейбаштык) боюнча козголуп, учурда тергөө амалдары жүргүзүлүп жатат.
"2017-жылдын 23-сентябрында аймактык милиция кызматкерлерине унаада колу-буту байланган жигит жатканы тууралуу маалымат түшкөн. Ал жигит телефон аркылуу досторунан куткарып кетүүнү өтүнгөн. Милиция кызматкерлери менен досторунун ыкчам аракеттеринин натыйжасында калаа четинен 27 жаштагы жергиликтүү кеңештин депутаты өз унаасында колу-буту байланган абалда табылган", — деди Абдразакова.
Аталган жигит милиция кызматкерлерине көрсөтмө берип жатып, досторун сыноо максатында оюн уюштургандыгын айткан.
Учурда бул фактынын негизинде териштирүү иштери жүрүп жатат.
