БИШКЕК, 25-сен. — Sputnik. Борбор калаадагы базардын биринде желим баштык терип үй-бүлөсүн баккан Айчүрөк эл аралык The International Children"s Peace Prize сыйлыгына көрсөтүлдү. Бул тууралуу Балдарды коргоо борборунун маалымат кызматы билдирди.
Аталган сыйлык балдардын укуктарын коргоо жаатында жетишкен ийгиликтери үчүн өспүрүмдөргө берилет.
Айчүрөк Балдарды коргоо борборуна 2013-жылдан бери барат.
Көптөгөн кыргызстандыктар Айчүрөктүн оор турмушу жана жумушу тууралуу ЖМКларга чыккан материалдардан улам билген. Ал Ош базарында желим баштыктарды чогултуп өткөрүп, үй-бүлөсүн багып келген. Өспүрүм кыз тууралуу маалыматтар чыккандан кийин ага боорукер мекендештер кол сунган.
Айчүрөк Балдарды коргоо борборуна келген өзү теңдүүлөргө өз укуктарын кантип коргоо керектигин үйрөтөт.
