БИШКЕК, 24-сен. — Sputnik. “Кийиз дүйнө” коомдук фондусу кыргыздын салттуу билимдери боюнча окутууларын баштай турганын аталган фонддун өкүдөрү билдиришти.
Маалыматка ылайык, окутуу 2-октябрда башталып, эки айга созулат.
“Иш-чарада кыргыздын салттуу кийимдерин бычуу жана тигүү, элечек ороо жана ал тууралуу маалымат алуу, керме сайма саюу ыкмалары, өрүмдүн түрлөрү, эски кооздуктарды калыбына келтирүү каралган”. — деп айтылат маалыматта.
Мындан тышкары, окуунун жүрүшүндө салттуу билимди алып жүрүүчүлөр менен жолугушуулар, тажрыйба алмашуулар болмокчу.
