БИШКЕК, 23-сен. — Sputnik. Ушул апта башынан бери административдик айып бузган айдоочуларга карата Кайгуул милициясы тарабынан 5445 протокол түзүлүп, 3 миллион 455 миң сомдук айып пул салынган. Бул тууралуу Бишкек ШИИБ билдирди.
Жалпы жонунан 18-22-сентябрь күндөрү рейд учурунда
- мас абалында унаа айдаган 26 айдоочуга;
- документтери жок 110;
- мамлекеттик номер тагылбаган 7 унаанын айдоочусуна;
- жасалма номер таккан 6 унаанын айдоочусуна;
- жол белгилери боюнча талапты бузган 1769 айдоочуга;
- унаа токтотуу эрежесин бузган 628 айдоочуга;
- терезелери караңгылатылган 29 унаанын айдоочусуна;
- светофордон өтүү эрежесин бузган 264 айдоочуга айып салынып, 214 унаа айып короого токтотулган.
