БИШКЕК, 21-сен. – Sputnik. Арктикадагы муз быйылкыны кошкондо төрт жылдан бери болуп көрбөгөндөй азайып бара жатат. Бул туурасында РИА Новости НАСАга шилтеме кылып кабарлаган.
Түбөлүк тоң түндүк уюлда 4,6 миллион чарчы чакырымга кыскарган.
"Арктикадагы муздардын азайып бара жатышы жайындагы ысыкка гана эмес, кышка да байланыштуу. Быйылкы жай климаттын шартынан алып караганда өтө деле өзгөчөлөнгөн жок. Жайкы муздун рекоррдук көрсөткүчтөгү төмөнкү аянты муз 38 жыл мурдагыга салыштырмалуу абдан жаман абалда экендигинин таамай далили", — деди НАСАнын жетектөөчү климатологу Клэр Паркинсон.
Окумуштуу муздар эң азайган мезгил 2012-жылга туура келгендигин, анда түндүк уюлдагы муздун төбөсү 3,41 миллион чарчы чакырымга азайгандыгын айтты. Анткен менен 2017-жылдын жайы да бир топ сандагы муз аянттарын алып кеткендигин кошумчалады.
